Татарстан Республикасы Министрлыклары Татарстан Республикасы Мәдәният министрлыгы

Иске Иябашта яңа клуб ачылды

2015 елның 19 мае, сишәмбе

Бөек Ватан сугышында җиңүнең 70 еллыгын бәйрәм итү алдыннан Иске Иябаш авылында яңа клуб ачылды. Аның янәшәсендә генә сугышта һәлак булган авылдашларга истәлек билгесе куелган иде. Шуңа да клубны ачу тантанасына килгән мәртәбәле кунаклар иң беренче булып шушы һәйкәл янында тукталып Ватан солдатларын искә алдылар, чәчәкләр куйдылар.

Тәбрикләү чыгышларыннан соң Татарстан Республикасы мәдәният министры Айрат Сибагатуллин Татарстан Республикасы Президенты исеменнән клубка 100 мең сумга сертификат тапшырды. Клубны ачу тантанасына күренекле сәнгать әһелләре Рабига Сибгатуллина һәм Фәрит Хатыйпов та килгән иде. Алар иябашлыларны яңа клублы булулары белән котлап җырлар башкардылар. Аннары соң районның үзешчән артистлары чыгыш ясады.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2024 ел

Казанда Татарстанның халык язучысы Әмирхан Еникинең тууына 115 ел тулуга багышланган искә алу кичәсе узачак

Быел татар язучы, ТАССРның халык язучысы Еникиев Әмирхан Нигъмәтҗан улының (Әмирхан Еники) тууына 115 ел тулу билгеләп үтелә. Татарстан Республикасы Язучылар берлеге 21 майда 19:00 сәг. Г.Камал исемендәге Татар дәүләт академия театры бинасына Татарстанның халык язучысы Әмирхан Еникинең тууына 115 ел тулуга багышланган искә алу кичәсенә чакыра.

Казанда Мухаммадьяр исемендәге Халыкара төрки әдәбиятлар фестивале үтәчәк

21-24 май көннәрендә, Казанда Мухаммадьяр исемендәге Халыкара төрки әдәбиятлар фестивале үтәчәк. Әлеге фестивальдә Азәрбайҗан, Казахстан, Кыргызстан, Үзбәкстан илләреннән; Башкортстан, Саха (Якут), Чувашстан, Дагстан, Кабардин-Балкар, Карачай-Черкәс Республикаларыннан әдипләр, нәширләр катнашачак.

май, 2024 ел

«Могҗиза» театр студиясе «Ай-ли, замана» гаилә тамашасын күрсәтәчәк

Чара, Гаилә елы уңаеннан, студия шәкертләренең әти-әниләре катнашында уза. 18 май 12.00 сәгатьтә К.Тинчурин исемендәге Татар дәүләт драма һәм комедия театры каршында эшли торган, сәламәтлеге чикләнгән балалар өчен «Могҗиза» театр студиясе «Ай-ли, замана» дигән театраль тамаша тәкъдим итә. Режиссеры – Зөфәр Харисов.

май, 2024 ел

Болгарда Идел буе Болгарстанының Исламны рәсми кабул итү көненә багышланган «Изге Болгар җыены» тантаналы чарасы узачак

19 майда Болгарда Идел буе Болгар дәүләтендә Исламны рәсми кабул итү көненә багышланган «Изге Болгар җыены» тантаналы чарасы узачак. Быел бәйрәм «Россия — Ислам дөньясы: KazanForum» XV халыкара икътисадый форумының мәдәни программасы кысаларында узачак, ул Казанда 14-19 майда узачак.

ЯҢАЛЫКЛАРГА ЯЗЫЛУ