Камал театрында күренекле режиссер Марсель Сәлимҗановны искә алуга багышланган кичә узачак
10 ноябрьдә кичке сәгать җидедә Камал театрында күренекле режиссер Марсель Сәлимҗановны искә алуга багышланган кичә узачак. Ул гадәти булмаган «интервью» форматында әзерләнгән. 7 ноябрьдә, режиссерның туган көнендә, Камал театры сәхнәсендә традицион төстә "сезонның төп премьерасы" – Орхан Памукның «Минем исемем Кызыл» спектакле күрсәтелде. Бу көнне Марсель Сәлимҗановка 80 яшь тулган булыр иде.
Кичәне актерларның Марсель ага белән эшләү бәхетен татымаган, үзләренчә әйтсәң, «бөек бабаларын күреп-белмәгән оныклар» буыны алып бара. «Турун»нар Марсель Хәким улына үзләрен кызыксындырган сораулар белән мөрәҗәгать итәчәк, ә ул исә дуслары һәм хезмәттәшләренең истәлекләре, видеотасмаларга яздырылган интервьюлар һәм репетицияләр белән «җавап бирәчәк».
Татарстан Республикасы Мәдәният министрлыгының Матбугат хезмәте