Казанда С.А.Герасимов исемендәге Бөтенроссия дәүләт кинематография институтының максатчан урыннарына абитуриентлар сайлау үткәрелә
Татарстан Республикасы Мәдәният Министрлыгы, “Татаркино” дәүләт бюджет мәдәният учреждениясе белән берлектә, 2 июньдә 10.00 сәгатьтә Казан дәүләт мәдәният институтында С.А.Герасимов исемендәге Бөтенроссия дәүләт кинематография институтының максатчан урыннарына абитуриентлар сайлауның беренче этабын үткәрә.
Кинематография институтының Гыйльми советы карары буенча, 2018-2019 уку елына Татарстан Республикасына түбәндәге белгечлекләр буенча берәр максатчан урын бүлеп бирелә:
54.05.03 «Графика»
«Анимация һәм компьютер графикасы буенча рәссам» - 1 урын;
54.05.02 «Рәсем сәнгате»
«Костюм буенча кино һәм ТВ рәссамы» - 1 урын;
55.05.01 «Кино һәм телевидение режиссурасы»:
«Уен киносы режиссурасы» - 1 урын;
«Анимация һәм компьютер графикасы режиссурасы» - 1 урын.
Сайлап алуда югары белемсез һәм кулларында рус теле һәм әдәбияты буенча Бердәм Дәүләт Имтиханы нәтиҗәләре (2014 елдан соңрак тапшырылган) булган кешеләр катнаша ала.
Дәгъва кылучыга 2018 елның 1 июненә кадәр заявка юлларга кирәк. Заявка резюмедан (ФИО, почта адресы, e-mail, элемтә өчен телефон, туу вакыты һәм урыны, паспорт мәгълүматлары, белем алу, эш урыны, хезмәт стажы, гаилә хәле күрсәтелеп) һәм иҗади эшләр папкасыннан торырга тиеш.
Документларны юллау өчен электрон почталар: tatarkino_fest@mail.ru яки tatarkino2007@mail.ru.
Адрес: Казан шәһәре, Петр Алексеев урамы, 3 йорт.
Белешмәләр өчен телефон: 272-45-29, 273-03-43.