Бүген «Мәдәният» милли проекты буенча Бөгелмә балалар сәнгать мәктәбенә музыкаль инструментлар тапшырылды

2022 елның 20 мае, җомга

Бүген “Мәдәният” милли проекты кысаларында Бөгелмә балалар сәнгать мәктәбенә 1,5 млн. сумлык музыка кораллары (саксофон, баян, аккордеон) тапшырылды.

Бөгелмә балалар сәнгать мәктәбе 1950 елда ачылган һәм Татарстанның көньяк-көнчыгышында иң беренче музыка мәктәбе булып тора. Әлеге вакыт эчендә мәктәптән 2 меңнән артык яшь музыкант чыгарылган. Бүген мәктәп төбәктә алдынгы урыннарны били: 694 укучы һәм 51 педагог ел саен абруйлы конкурслар һәм фестивальләр лауреатлары һәм дипломантлары исемен ала.